كلمات اغاني الوسمي الجديدة2008

حرك مشاعر وجدي بو خد ناعم وردي .. يازين هونك هدي حاسب علينا شويه
فاتن مولع روحي اوقدت لهيب جروحي .. وانا كثير طموحي عاشق بصدق النيه

في سحرك عينك هايم مابستمع بك لايم .. للعشق مبدأ قايم عندي روح وفيه
ليتك تقرب خطوه واعطيك عيني فدوه .. انا اطباعي النخوه وانت لقاك هديه


(تبغى الـصراحــه)

تبغي الصراحه وتبغي الصدق حبيتك .. وانته معي مختلف عن كل خلق الله
انت المميز وانا اصلا تمنيتك .. من قبل اشوفك هلا يا حيه هالطله


الدار دارك وقلبي يعتبر بيتك .. اقلط تقهوا غلاك مكند بدله
ياحيه هالشوف ماصدقت لاقيتك .. يازين هالحظ خل (ن) والتقى خله

البارحه ملتقي بطيفك وظميته .. بين الحنيا وخلصنا الحكي كله
كلمتني عن غلا قلبك و وصيته .. ان جاك هرج العواذل اسمع وخله

اعزه واغلاه عن الباقين عزيتك .. عمري حياتي غناتي بلسم العله
ان غبت لحظه بصوت الحب ناديته .. وان جيت شوفك يكفيني ولا مله

(بـحرم عـيونـك )

بحرم عيونك مني عشان اني .. اقدر اخلي عيونك تبكي وتسأل عني
بديت باسم الخاطر و اوهمتني انك ناطر .. انا اشهد انك شاطر لاكن مش اشطر مني


قدرت تدخل قلبي تكسب رضايه وحبي .. ماهو بذنبك ذنبي خليتك تكلمني
لانك حلو تستاهل اخذتها بالساهل .. شوف كم واحد حاول ولا قدر يوصلي

وامنتك وقربتك وبخافقي سكنت .. ومن بعد ما جربتك محال تسترجني
صدقني غصبا عني ما اقدر اغير ظني .. ما دام هذا طبعك بحرم عيونك مني



( ياقلب )

ياقلب وين تروح عني معاهم .. ياقلب مالك في المجفين مربوح
تعلن على العصيان وتتبع خطاهم .. ماكنهم قبل امس خلوق مذبوح


اقبل نهاية حبهم في عزاهم .. ما انت اول قلب تدميهم الجروح
انا معك ياقلب عاشق صباهم .. تبكي عيوني دم والصوت مذبوح

ياقلب روح اليوم وسكن حماهم .. مسموح فيا اليوم يا قلب مسموح
ياقلب وين تروح عني معاهم .. ياقلب مالك في المجفين مربوح

(سلام العشق)

سلام العشق وأعماقه
يضم القلب وأشواقه
تجيك الروح مشتاقه
وتهديك القصيد ألوان

على درب الهوى جينا
من أول ما تلاقينا
تغير كل ما فينا
وعشنا فرحة الأزمان

عرفنا الحب وأسراره
وكتبنا أجمل أشعاره
وغنينا على أوتاره
وذبنا بالغرام ألحان

نسينا كل مواجعنا
وبقينا اثنين ما معنا
سوى الأشواق تجمعنا
بلا هجر وبلا حرمان

ألا يا حبي السامي
لقيتك بأول أيامي
تعال وجدد أحلامي
ترى قلب الهوى سهران

شربت الحب من كاسك
وطعم الورد بانفاسك
لأنك عذب باحساسك
وانا مغرم بك وولهان

حبيبي كان ما تدري
ترى حبك بدا يسري
بدمي وانت يا عمري
سكنت بداخل الشريان

قطعنا الحب ودروبه
وصغنا روعة اسلوبه
حكاية عشق مكتوبه
وصرنا للهوى عنوان