** العين باكيه و دارت عليه عزا ... الغالي تباعد والنصيب مشا **
دارت ضـــــــــــجة !! سالت سواقى من البكاء منقــــــجه
احتارت اف ما بين الفراق ووجه ... لفاها ابياسه ما اسعش هـــــدا
دنيـــا قسامى كلها مرتـجــــــــة ... والبخت هالب والنصيب جفـا
مــــكتوب يا ناوى الحج اتحجه ... لا القسم عندى لا نوى لا جــــا
دارت همـــــــــــــه !! وراء بنت زينه فى الخلايق قمـــــة
اللـــي وين ما رتها تقاوي سمه ... سقاها ابصوبه ما ألقيتش نجــــا
أسمــاح الوصايف كلها ملتمه ... ســــود الميامى والـــــجديل ورا
واليوم بختي فيه طاوي كمه ... مي رادتي نصبر على مدعـــــاه
بكت بالقــــــــــــوة !! اللـــــي أفراق غاليها خذيتوا ســــوه
انجرحت ونزفت والكنين تلوى ... والشيب رتا فى السواد طغــــا
مكســـور رانى غالبتنى الدوه ... لا فادنـــى الدكتــور لا الـــــــدوا
والقلب ينبض بى حروفه هو ... والعقـــل عنده والافكــــــار خذا
دارت جــــــــــره !! سيـــول وتقاوت بين ياس ومـــــره
جفلت وحاست من البكا منضره ... غــالى عليها فى الوساد لفـــا
سمــــرت عقاب الليل ليله غره ... أتــقول ما عمره عليها جـــــا
كمــدت بحرقه ريدها فى سره ... تمـن ادموعى كى اشبوب اشتا
النوم جفاهـــــــــا !! كاثــــرعليهـــــا نوحها ومشكاهــــا
اللى قبل ما يسهر الليل بلاها ... أطاول اغيابه ما اتصلش أبــــها
ظلم الايام و جورها ومدعاها ... صــارت وحيده ما عليها اعــبا
تمــت اتراجى من بعيد أمناها ... الأقســـــــام شالت والوداع بـــــدا
دارت ليـــــــــله !! عـــــلى قسم ناوي فى الرحيل وشيـــــله
دنيا قسامى والنصيب مثيــله ... الا جرح من نعشق صعيب اكفـــا
تمــا مكانه كى افراد العـــيله ... والقـــــدر عالــــي فى أكباد سمـــا
وأعذرت قسمى ما القيت وسيله ... تميـــــــت نبـــكى فيه حتى نـــا
** العين باكيه و دارت عليه عزا ... الغالي تباعد والنصيب مشا **
موضوع: العين باكيه 
الجمعة يونيو 12, 2009 4:40 pm
