الفنان محمد حسن

لانك عليا هاينة

لانك عليا هاينة ولا أنا عليك إنهون
لا يلحقنك في غلاي اضنون
ياحبيّبتى
ياللي جـوابك بالدموع كتبتى
أنا غاب عقلي وين عـني غبتي
ودمعي انهمّر كيف دمعة القزون
يا ودّادة
يا قلب صافي ما خلف ميعاده
هللي زرع الود يجني احصاده
وانتِ زرعتي الود فـ أجمل لـون
بايـن ودّك
في نظرتك في بسمتك في خدّك
ارمي وراك الخوف هاتي يــدك
قدام كل الناس مهما يكـون
لا ما تحيري
لا يلحقّك شّك وعليا اتغيري
انتِ ربيع العمر وانتِ خيـري
وانتِ في حياتي مركبي والعـون
يا غاليتــي
انتِ سكنتي القلب وانتِ بيتي
يبرى العليل إن كان لحظة جيتي
واللي حجر قلبه يصير حنون
لا ما تهوني
لا نغيب عنك يوم وين ما تكونـي
لا فاح ورد ولا زهى في عيــون
إلا في ربيعك يا زهى العيــون