العلم

لو كان الغلا منهج وفيه قرينا ***** الممتاز الاول فى غلاك خذينا

شاور شيرة مرات نعذرك ونقول فيها خيرة
انكانك نويت الهجر شاور شيرة

[b]

دونك لها تشكيلك لا قادرة تنساك ولاقادرة تمشياك
العينـــن حايـــــرة

بوى ياس وامى ظلم رضيع قهر من يوم ولادتى
طبيب للطبيب يقول لا تقربه يموت بينا
امفيت عمرنا وارزق اعزاز كل شى واخذينه
بكيتى بكيت معاك علاش ولاش مانى ناشدك
العقل كى بكى خلوه متخايل دلاله مع القدم
يامنام البارح ياجايب اللى عقلى معاهم سارح عاود الليلة
مانيش عارف كنى انسلم عليك ايطير عقلى منى بلا رادتى

ماهن رفاقة ديما قليل وين تجمعهن طريق سقيمة لقسام والغلا
مالقيت غير كتابه وحرفين دلن مانساش احبابه غالى رحل
عليك بخت يالنظار تديرن غلا وفيه توحلن
لقيت الجديد حنون مسح جميع مادار لوللى
ولهانات يقولن وينا غاب علينا بظروفه والا ناسينا
كله كله لو يحكمونى اعدام مانتخلى عليك يادلال العين
طاحن بطلانات جمالى --من الوطن اللى دون الغالى
عل المرهون اللى ماطلته --وين لقيت وليده شلته
بكانا على ماطلناه --على موتانا مادرنا
وينكم مافيش رد والا نسيونا ان شاء الله خير تحياتى

المرهون هو سبايب داي يقدر يجيب ويغيب بالدوا


قلو هناي مرهونين انطاطي علي نوم يخطروا


وين لفا نومك ياعين جبتيلي ناس مراهين


كان عزيز خطاني قسمه حد عزاي انسمي باسمه

كذاب من يقول الجرح بعد قديمين داويته برى
يذوب عظم تاسع جيل ولا غلاه من الخاطر ينمحى
مرحبتين اهلا وانستوا --ياللى جيش الياس كنستوا
من دون ياعزيز الناس وازيتك موازاة عالمهل
امشوش ارسال العقل بعد عزيز ماصورة جبد
عندى ناس كبير غلاهم ---ماتسوى الايام بلاهم
عين من نيران غلاها ---نهر النيل وماطفاها
حتى بكانا سرقة خوف من الشماتة نذرفوا بالدرقة نهار غيبته
ايموت كيف موت الناس الله الله تاريته الغلا

الغلا امغير حرق قلوب قليل وين لولاف يقسموا
احكموا خاطرى باعدام اعزاز لاعفو لا نفذوا
يساطر يريد ظماد جرح قديم ماعاد حامله
العقل فى شهاق الموت ظبح وقال يالولاف وينكم
على جديد درنا كبد امغير مكر فى عيت القدم
غفيت بعد فض النقناق---وعيت على عيطة الفراق
لا لايم لاعاد قتلنا---- من جرح المرهون اوحلنا
بالك يادنيا كثرتى --مامن زول عزيز قهرتى
للاوهام اللى جابتنى --قلع ارياف مرض زادتنى
الدار بعدكم يالولاف --نجوها جى ضيوف خفاف

لوكان تحلمى بعزيز حتى منام ياعين سادك
اندوخ م البكا وانغفا وايجى منام نوعا انريدهم
اتريد من غلاك تذوق العين تكحيل ماعاد سادها
كاره مراعى الصوب لا نريد قديمين لاجدد
خطاك ماعلينا فيه شماتت العدو هى الكاينة
مظلوم خاطرى مسكين اتهموه بخطا مو دايره
خذوك ياعزيز الغير ونا خذيت طولت الرجا
خليت ياعزيز العقل جنازة بلا روح واقفة
نلقالك مخازن وين غلا عزيز غازات سامة
بعد الروح بين ايديك امناك فيشاصاحب الغلا
لو كان نا اللى نختار نمشى نجيب غياب خاطرى

داويهن وخوذ سموح جروح غبر نومي طيرن
بكانى جديد اليوم ينشد ليش خانوني اقدم
الله ياسنين العمر عديتن تحاسيف ع الغلا
شويت فى عيون عزيو بعد كنت ماليهن كلهن
ايجيك يوم تبكى فيه ياللى ضحكت يوم بكيتى
حتى وكل شى بالقسم شارك عزيز فى ضيعت الغلا
من الساهل اندير جديد الواعرة ملاقات لولى
صيورا قديم ايجيك امغير صبرياعين ناقصك
غلاك هو كتاب العقل وين نقراه يرتاح خاطرى
اوحلت فى خياب العين تريد اعزاز ديما عندها
بعد قديم ماظنيت نلقى جديد يستاهل الغلا
بكاكن عذاب وذنب على قديم طاريه منقطع