عيني عماها الرفيف وقلبي خداه الريافي من وحشتك يا ولد بوي
مانرقد الليل وافي
****
وديانا اللي سماح ونجوعنا اللي حداهن هن عز للضيف والجار
ويحمن الخايف ان جاهن
*****
خوها اليا جي بيمشي صبا وقال انشدوها قولولها ليش تبكي
وانا حي مازلت خوها
****
بوك يا الغاليه ايريدك قربان النخل في جريده ونا طالبه الله يهنيك
ياخي بيت الوديده
*****
نا هلي زينين زينين فراسين ماهم معاره وان كان حاربو مايدلو
وان ميعدو هل لدباره
*****
نوصوك يا خاطر الليل ماتدوخ بين النزالي وانشد علي نجع هلنا
انعشوك والمير عالي
ياعوينكم ياعويله اللي صايدين العوافي اللي تنضرو في بعضكم
واللي ترقدو الليل دافي
ان لاقاك زين في الصبح الايام بالخير جاياتك وان لاقاك شين في الصبح
ولي علي تالياتك
موضوع: من اغانى الرحى 
السبت أبريل 25, 2009 11:21 am
