سالمة قالت : مرة خطرلي بندير جو رومنسي مع راجللي ... فشريت شموع وولعتهم فى دار النوم ...
وأول ما روح مسعود راجلي وخش دار النوم .. عفس علي وحدة من الشموع برجليه .. وعيط عيطة قوية ... وشرينها كف ...
وما خلا ما قالها من كلام ... ولليوم قاعدة فى حوش بوها .... تستاهل ... ماهو حرقتله رجليه ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حكاية رجاء مع راجلها أبوعجيلة ...قالت : مرة خطرلي بندير سهرة رومنسية ... وشرت عشي مدندن من المطعم ...
وبعد ما وتت الدار وولعت الشموع وطفت الضي ورقدت الصغار ... روح السي ألبوعجيله ...
وطول طاح فى هادكا العشي .. وبعد ما عبا بطنه وإشبع .. انبطح على ظهره وقاللها : نوضى الفروخ خللي يجوا ياكلوا .... وووووووووووووه وووه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حكاية سعاد مع راجلها جمعة ... قالت : مرة سمعت بفكرة رومنسية حلوة وهيا نثر الورود على سرير النوم ...
المهم قول دارتها ... ولما روح جمعة من العمل فى الليل مشى رقد فى المربوعة طول ...
قالتله : علاش سيبت سرير دار النوم ورقدت هني ؟؟؟ قالها كيف بنرقد وانتي معبية السريرعشب ... تحسابيني خروف ولا شني ...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
موضوع: اشوية رومانسيه ليبيه 
السبت أبريل 25, 2009 12:22 pm
