السويسرول بمربى الفراولة وجوز الهند

المقادير
4بيضات-كوب الا ربع دقيق-كوب الا ربع سكر ناعم-باودر -فانيليا-قطعة زبدة حوالى 50 جرام-
مربى فراولة وجوز هند للتزيين و الحشو

نحط البيض والسكر والزبدة والفانيليا فى المضرب الكهربائى
ونضرب على اقصى سرعة لمدة 15 دقيقة او اكتر

ونضرب لغاية ما تبقى هشة جداااااااااا زى الكريمة

ونضيف كمية الدقيق على اقل سرعة للمضرب
وبعدين نحط الخليط فى صينية مستطيلة
-معلش انا هنا الكاميرا فصلت منى وعملت كام خطوة من غير صور
وبعد ما نحطها فى الصينية ندخلها فرن حامى لمدة 10 دقايق
ونخرجها نقلبها على قطعة قماش مبللة بالماء ومعصورة كويس

وندهنها بالمربى اوالكريمة اى نوع تحبيه
وتلفيها على هيئة رول وبعدين تلفيها بور البلاستيك
ونحطها فى الثلاجة ساعتين

وبعد الساعتين نفكها من البلاستيك ونقطع الاجناب الناشفة وندهنها بالمربى من جميع الجهات

ونرش عليها جوز الهند

ونقطعها بسمك 2 سم

وتتقدم

وبمليووووووووون هنا عليكم