علــــــــــــــــــــــــــــــــم

اتركهن وتنال الصبر مالك سبب في دمعهن.

اتركهن تنال جميل مالك سبب في
ذنبهن

أنتي سبايبه ياعين غلا عزيز لولاك ما رسم
العقل واسع الجالات أضايق مع نار الغلا.

العقل ما ينام الليل سطير جرح
لولاف سمره

العين قابلت ووزنت والعقل قال ما كيفك علم

الصبر خير واشوي ذنب واكثر جميل وأولي م البكا
بعد رديم الياس شقيت نار لولاف لهلبت.

غلاك ما تخاف عليه مدسوس بين العين او هدبها
عليه رقرقن
لنضار عزيز وين مواله خطر

النوم والهنا والعقل عزيز مامشا نين شالهن

نحساب ياعزيز الصوب سهاري عرب نين لاعني

اللي قبل هومشكاك للناس
كيف تشكي بسيته

زعم ياعزيز امعاي والا شاقي بحوال غيرنا

الشمس ياعزيز اتغيب ان جانباك شاقي
بغيرنا

فراق عزيز كي فراق الروح وفراق الروح لو ريت مصعبا

من طولت الرجاء ياقسم...... انخاف لو تجي مانعرفك

امغير كلام
اللي عالمحبه شهدوا
ليام
وعهودهم لنا تمن امغير كلام

.سرييب صوب جا للعقـل*** نساه يا علم طاري الهل

. شلال من شراب عزيز*** دموعي علي ياس العلم.

شراب في ا لمفاصل ذاب*** غلاك داه ما لا دواء.
شقانا وراهم ضاع*** سعد غيرنا فيهم قوي.
شرهان خاطري بغلاك*** يطولك ولا راضي ع البكاء.
صبا ا لعقل يوزن فيك*** لقيك ردع لوطان كلهن.
صبار وا لكواين فيه ***شديد شديد عزم ثاريت خاطري

صبا لي وزير الياس*** نساني غلا مو برادتي
طارح فراش الياس*** العقل نام نومه ريحه
طالق معانا نار*** جرار غلاك مازال غايتي.
طبيب ياعزيز غلاك*** صفق ايديه مولاقي عزاء.
ظليمه عليه الصبر ***جرحه جديد مازال خاطري

كاس ياسهم في اليد***يذوق فيه ويقول يقسمو
ليالي مضن وايام***?طلبنا الله?لا أتعاودهن
مرزي العقل كا مي داه*** من خوفا يشاكيك تنكره
ننسوا?فيه يوم بيوم ***عزيز نين ياساته مضن

يلا نستنوا في مشاركاتكم وردودكم